ماتبت! ما مليت! ماقد تهنيت!
مش غبت! مش خلصت.. وابكيت عيني!
مااشتقت! ما حنيت! ماقلت ياريت!
مافز قلبك ! ما وصل لك حنيني !
ناديت لك.. غنيت لك... كم ترجيت..
شوف شكثر اتلاعب الشوق فيني!?
لك من هذاك اليوم لليوم ماجيت!
هو حُب والا ثار بينك وبيني !!
لا انت الذي حبيت واخلصت واوفيت!
ولا انت لي خليت قلبي بـ يديني
علقتني واقفيت وانا اللي امسيت
ابكي على ما فاتني من سنيني
والله مااوجعني سوى اني تخليت
عن عالمي لاجلك حسبتك تبيني
كنت بهواك اعمى ومن غفلتي جيت
صرنا بعااااد وشوووف وينك وويني
#محمد_حافظ
#ما_تبت
أضف تعليقك: