أمي جنة
بدعي ربي كل يوم يخليهالنا
دايما تضحي ب كل حاجه وتديهالنا
امي شالت الهموم كتير بدالنا
امي هي
اللي عرفت بيها ايه معني الحنية
هي اكتر حد قلبه حاسس بيا
لما يحصل خير بتبقي داعية ليا
امي ست الكل بيها أنا فخور
سكتي لو ضالمة تبقي هي النور
دي اللي بتفهمني لما الف وادور
دي اللي لما أزعلها بتقول معذور
امي حبي ليها ده ملهوش شبيه
هي اكتر حضن أنا بجري عليه
في اي موقف اول حد بلاقيه
اي وجع ليا هي الدوا ليه
دي شالتني
دي اللي علمتني دي اللي كبرتني
دي اللي وقت تعبي ياما استحملتني
دي اللي لما وقعت جت وقومتني
ربنا
يخليكي لينا وتفضلي وسطنا
انتي اقرب حد لينا كلنا
لما نشوف ضحكتك يفرح قلبنا
امي ست الكل بيها أنا فخور
سكتي لو ضالمة تبقي هي النور
دي اللي بتفهمني لما الف وادور
دي اللي لما أزعلها بتقول معذور
امي حبي ليها ده ملهوش شبيه
هي اكتر حضن أنا بجري عليه
في اي موقف اول حد بلاقيه
اي وجع ليا هي الدوا ليه
ليست هناك تعليقات:
إرسال تعليق