مشوفتش منّو خير
ملقتش غير واحد بيكسرني
منّو اتأذيت كتير
كأنه كان قاصد يدمّرني
كل اللي عيشته معاه
كان للأسف معاناه
وأنا مش هنزل بمستوايا لمستواه
أمانه عليك يا ليل، وصلّه يا ليل
إن قربه مني هدّ حيل
ولو فكّرت فيه واشتقت يوم
هنساه، والوقت أكيد هيكون كفيل
أمانه عليك يا ليل ده أنا اتأذيت
وصلّه الكلام أوام يا ريت
أصلًا مكنش حُلم، كان كابوس
بس فوقت منه… أنا وصحيت
صبرت كتير عليه
لكن خلاص مفيهاش فرص تانية
مِنا مش هبني في حاجات
وييجي عادي يهدّها في ثانية
كتر خير الأيام
نِسّيتني جرحه أوام
صدق اللي قال: التجربة أحسن عَلام
ليست هناك تعليقات:
إرسال تعليق