كلمات أغنية ياعاطفي ياراقي - مصطفى الربيعي 2025 MP3
Mustafa Al Rabeii - Ya Aatifi Ya Raqi
مادام آني يمك
إطَّمن ولايهمك
من حبي إلك صرت آني
أغازل حروف إسمك
وياك عمري تغيّر
عالقلب حبك صيطر
مجنون لو ضيعتك
يافرصة ماتتكرر
يا أحله من وجه الصبح يالتسوه كل الدنية
يالشفت بعيونك وطن يحسسني بالحنية
ياعاطفي ياراقي
للأبد يمك باقي
إسمك أكتبة بالقلب
ما أكتبه فوق أوراقي
أحلامي الأتمناها
بس يمك آني القاها
لو أشوفك أفرح وأطمئن
والدنية كلها أنساها
&&&&&&&&
دقات قلبي إنته
والفرح يمك شفته
الكون اإتسم بعيوني
بوجودك إتخيلته
إنته إختياري الأفضل
وإبقلبي تبقى الأول
لو ما أشوفك يمي
ما أضن حياتي تكمل
إنته الطريق المختصر لكل الأشياء الحلوه
كلش حنين وتختلف فدوه رحتلك فدوه
ياتوأمي وحب عمري
وإبدمي حبك يجري
حبك أعزّ من النفس
إلي يعيش بصدري
لك إنته حب سنيني
وكلش كبير بعيني
معيّشني بحضانك ملك
وإمدلل إمخليني
#يا_عاطفى_ياراقي
ليست هناك تعليقات:
إرسال تعليق