يأذّيني الحنين إللي يجي بعد الفراق المُر
وماني قادر أتأقلم .. وأتعايش مع عمري
سجين الذكريات وحالتي يا للأسف ماتْسر
ولو حاولت أتناسى أحس إبنغزه في صدري
أنا أضحك وأقول بْخير وأدري ما وصلت البر
أنا غرقان في حبك ودمعاتي ، ومحد يدري !
أبي ترجع وما ترجع ~ يجر الشوق فيني جر
وما بين الشوق والدمعه طواري ما أبي تطري
جسد باقي بليا روح ، وأحبك بالعلَن والسر
على خبرك نعم ببقى وأبي تبقى على خبري
عسى مرتاح ومتهنّي ، وأنا فعلاً عسى ماشر
وأدري مستحيل أنسى واللـــه العظيم أدري
يا أغلى من رحل عنّي يا طاري كل يوم يمر
أبدعي لك بكل لحظه لآخر يوم في عمري
كرمتك وإندفَن قلبي معاك وهالموادَع مُر
وأدري هالقبر قبرك وأحس إن القبر قبري
ليست هناك تعليقات:
إرسال تعليق