من بعد ما كنا احباب
و سنين حب وحكايات
و القلب ف حبها داب
و قضينا اجمل اوقات
و حاربنا الفرقة سنين
و لا زيينا كان فيه اتنين
جية من غير اسباب
بتقول كان ماضي و فات
نبعد و كفاية عذاب
و احسن خلينا اخوات
لو كان سهل عليكي اتباع
انا مش سهل أأقبل بوداع
اصل كرامتي لازم تتصان
و اعرف ايه اللي بيجرا ايه
قولي كلام صدق و معقول
صدقتك انا اسيب علي طول
صعب انا قلبي يكون مقتول
و اسيب تاره و افرط فيه
………….
منكرشي ان انا مصدوم
لكن م الصدمة ح افوق
و كبيرها يومين مهموم
لكن م الهم ح اروق
ايوة بحق الايام
و الخير اللي نكرتيه
اعرف اتبعت بكام
و غيري بكام تبيعيه
طلعتي اي كلام
تخسري ف اللي كسبتيه
المشكلة مش فيا خلاص
المشكلة ف كلام الناس
اصل انتي عديمة الإحساس
مش ح يفرق و ياكي كلام
بكرة ح ترمي م الحسبان
و تدوقي مر الحرمان
و انا برضة ح ابقي الكسبان
و انا و انتي قصادنا الايام
ليست هناك تعليقات:
إرسال تعليق