فشلت انساه في صحوي وجيت انساه في نومي
لقيت احلامي تحلم به وما تقوى على النسيان
خياله بأرضي وجوي وماخذ شمسي ونجومي
وكل ذكرى له بقلبي معاه في الحشا بستان
غسيل عقول يبغى لي
عشان انساه من كلي
واخلي القلب يتشافى
من جروحه ويرجع لي
عجزت القى انا حلي
غلبت امحيه من بالي
ومل القلب يتحاشى
غرامه وعنه يولي
منعت القلب له يطري وشلت اسمه من علومي
لقيت الصمت من شوقي تجاوز حاله الكتمان
اشوفه بعتمي وضوي واحسه ماليٍ يومي
ولا من غاب عن عيني اموت بلوعة الحرمان
مثل مجنون خلاني
اكلم نفسي واعاني
واذا حاولت اتناساه
جرى في دم شرياني
يبي لي حل يلفاني
ويدرك حالة ادماني
لاني صدق ادمنته
وابي يسكن بوجداني
ليست هناك تعليقات:
إرسال تعليق