تاريخي مع الحياة يشهدلي كنت أنا إيه
وبكرة اللي ما يعرفنيش هيعرفني
ما عنديش اللي ييجي حد يعايرني عليه
عشان أنا عندي سيرة حلوة تشرّفني
تاريخي مع الحياة صبر وشقا ومعاناه
عشان أفرض يادوب ع الدنيا دي وجودي
ومع إني لقيت نص اللي بتمنّاه
لكن بفرح عشان لاقياه بمجهودي
تاريخي بالصوت وبالصورة
وسيرتي دول اللي باقيينلي
مكملة، عايشة مستورة
عشان أبويا وأمي داعيينلي
قريب وغريب أنا بعامله بما يرضي الله
لا جيت على حد ولا ناس غاليه بخسرهم
لا قاصدة أشكر في نفسي باللي أنا قايلاه
لكن حابة اللي ينسوا أنا إيه أفكرهم
لا عايشة الوهم ولا وش الغرور لابساه
و باقية أنا حتّى ع اللي عليّا مش باقي
ف ليه لما اهدا م الوجع اللي أنا حاساه؟
بلاقي حبايبي قلوا، و كتروا أعدائي"
ليست هناك تعليقات:
إرسال تعليق