يابو الروايح يا ورد
يابو الروايح
ببعت سلام من جلبي لجلب حبيبي رايح
يابو الروايح يا ورد
يابو الروايح
اول ما هييجي هتتملى الدنيا ب فرايح
كُـل الكلام فيه أنا بغزِلُه والخيط ما كفَى
حتى الجمال و لحد عنده خلاص ده صفَى
لو كلمة قالها على هَوانا هندبح دبايِح
ده كلامه لو نَقَط عسل نملاه ف صفايِح
هو المُراد هو اللِّى لِيه نار جلبي قايده
هو اللى من دُون الخَلايِق روحي رايده
لا بحب غيرُه و لا عايزة اسمع نصايح
و بحبه أنا و كسَرت بيه كل اللوايِح
من بصَّه فى عِينَيا صَبَح أغلى الغَوَالى
ملفُوف ب توب مغزُول حرير و بحُبه غَالى
أبو جلب أبيض زى الحليب ولسه صَـابح
ده مفيش لحد غيرُه فى جلبى خلاص مطَـارح
ليست هناك تعليقات:
إرسال تعليق