لي راس عالي ماحنيته الى الناس
شامخ ولا في يوم وطيت راسي
تعاملت انا بالطيب مع كل الاجناس
على دروب الوصل ماطاح باسي
ربحان من نفسي ولا شفت الافلاس
مثل الجبل لو هبت الريح راسي
من عزني له داخل القلب مجلاس
يبشر بعزه لا غدى الوقت قاسي
طيّب مع العالم ولي قلب حساس
ما البس ثيابٍ ماتناسب قياسي
ماتنقطع في بحر الايام الانفاس
دايم الاقي في العزوم المراسي
اللي ذكرني له مكانه على الراس
واللي نسى وصلي دواه التناسي
هذا انا ثابت مكاني على ساس
مهما يجور الوقت ماهتز ساسي
واقف ولي هيبه بلا حد وقياس
صوب السمى مايوم ينقص حماسي
ليست هناك تعليقات:
إرسال تعليق