تخلص لمين والناس مبقتش ناس سالكين
عاشرت كل الناس وشبعت م الآسفين
على كل لون هتشوف والدنيا زى السوق
اطيب واحد هتقابله حلانجي وبوشين
الطيبه مش نافعة
لازم تكون افعي
وتعيش بمليون وش
مفيش خلاص طيبه
الكل حسيبه
عايشينها غش في غش
كدابين غشاشين
البشر مش مخلصين
ليل نهار واكلين معاك
ويبعوك ف اقرب كمين
دنيا ضايعه خلق بايعه
للشيطان عاملين مبايعه
ربنا يستر علينا
م الابالسه السفاحين
أنا شوفت ناس ف الكدب واخده شهادة ودكتوراه
ناس كدابين ناس غدارين مفيهمش شىء لله
الدنيا ليه الحظ فيها بيدي للاندال
وابن الأصول معرفش ليه دايما معانده معاه
السوق خلاص كله اتضرب والصنف بقى مغشوش
الناس بقت زي الديابه بياكلو ميسموش
ضيعت عمري على البشر ملقتش حد أصيل
وخلاص آمنت إن البشر وحوش ميتعاشروش
ليست هناك تعليقات:
إرسال تعليق