من حسن حظك اني بس كويسه
ماقابلش شر بـ شر ياللي مفكش خير
هسكت و همشي وهو ده اصعب اذي
وحلال عليك تعيش بـ تأنيب الضمير
كان في قصادي الف نقطة ضعف ليك
مارضتش اجرب حاجه منهم واكتفيت
ان الوجع بيك يبقي بعد شوية - فيك
و انك تفوق ع الشوق وتتربي بـ ياريت
اضرب وجع قلبي في ١٠٠ ومردودالك
مبسوطه بيا اني ٱهو فرحانه فيك
واللي زمان كانت سايبه روحها و موجودالك
بتبان مع الناس كلها وماتبنش ليك
مش كنت حِمل عليك هخلي الحِمل حلم
تحلم وبس تشوفه صدفه ومش لاقيه
هتعيش ورايا باقي عمرك
ضيف في فيلم
اسمه
( اللي يوجع حد موته هيبقي بيه )
----------------------------------------------------------------------------------------------------------------
انا همشي وانت غيابي بكره يرجعك
واهي تبقي فرصه تشوف بقي نفسك غريب
لو ع الكلام عندي اللي ممكن يوجعك
لكني مابردش انا علي
عيب ب عيب
انا ماتوجعتش من عمايلك بس انا
مصدومه فيا عشان وثقت ف مره فيك
قابل بقي جحود واحده عايشه حنينه
واتباع بقي من اللي عاشت
تشتريك..
اضرب وجع قلبي في ١٠٠ و مردودالك
مبسوطه بيا اني ٱهو فرحانه فيك
و اللي زمان كات سايبه روحها و موجودالك
بتبان مع الناس كلها و ماتبنش ليك
مش كنت حِمل عليك هخلي الحِمل حلم
تحلم و بس تشوفه صدفه و مش لاقيه
هتعيش ورايا باقي عمرك ضيف في فيلم
اسمه
( اللي يوجع حد موته هيبقي بيه )
ليست هناك تعليقات:
إرسال تعليق