ليه تفتح باب صدّك والتغلّي
ماحكينا بالهوى كل الحكايا
توّنا بالحب واحساس التجلّي
ابتسامتنا على اطراف المرايا
ياحبيبي ياذرى روحي وخلّي
المحبّة سوّت بقلبي سوايا
أنت كل اللي بقى لي وأنت ملي
ياكثر ماكنت أوصي لك وصايا
ماخذيت الحب من باب التسلّي
(البشر) أحيان نوع من (الهدايا)
يوم كنت أتعب معك وألزم محلّي
كنت أفز إن شفتك وكنّك دوايا
ليه ترضى بالجفا ضعفي وذلّي
دامي أقوى كل ماشفتك معايا
كانت النيّة أشوفك مثل ظلّي:
الله يعطينا على قدّ النوايا.
لمياء_المالكي
#النية
ليست هناك تعليقات:
إرسال تعليق