الو
انا عازم نفسي ع الفطار
زودي المحشي والممبار
وطواجن لحمه بالخضار
ده انا طالع عيني طول النهار
تيجي ياباسلامه مستنياك
رمضان جمعنا وحشنا لقاك
هات وانت جي العيله معاك
الخير كتير من هنا لهناك
هل علينا هل هل هل
رمضانا طل طل طل
هل علينا هل هل هل
رمضانا طل طل طل
زينه وفوانيس في الشارع والبهجه مليا كل مكان
هل علينا هل هل هل
رمضانا طل طل طل
اول مره في رمضان ننساها ازاي ياجدعان
لمتنا وسهرتنا بتحلي وقتنا
طب بكره معزومين عندي متجمعين والي هيغيب ويكنسل
يبقى مش مننا يبقى مش مننا
هصوم ازاي أنا لسه صفير
أنا أخري العصر وكده كده هفطر
لا امسك نفسك بس شويه
باقي ساعه ع المغربيه
انت بطل لازم تصوم
وتمسك نفسك طول اليوم
مالكم ماسكين في بعض ليه
رمضان ده كريم ونسامح فيه
هنبوظ بس صيامنا ليه
اهدى شويه انت وهو يابيه
هل علينا هل هل رمضانا طل طل طل
مترد يواد ياحسين
الليه متجمعين
عندنا جايين قاعدين
للسحور سهرانين
أنا طالع من التمرين
ومش هاكل غير بروتين
لحمه وفراخ وحمام
وبسرعه عشان جعانين
وحوي ياوحوي اياااحااا
وفوانيس رمضان اياحاا
بعد الترويح اياااحااا
ماتش ياجدعان اياااحا
لمة رمضان حلوا ياجدعان
و فمصر كمان غير اي مكان
هصوم معاك أنا طول اليوم
رمضان ده لينا احنا كمان
احنا واحد مهما كان
وعزومتك عندي بكره كمان
لو تختلف الأديان
رمضان جمعنا في كل مكان
هل علينا هل هل هل
رمضانا طل طل طل
بعد الفطار التمر الهندي والحلويات
دي عمايل ايدي اسم الله عليا
ست الستات
حد ينالوني بس ادوق
سكره عالي طلع لفوق
احنا ف ايام مباركه خلاص متزعلوش
كله براحتكو بس خفو متفتروش
هل علينا هل هل هل
رمضانا طل طل طل
زينه وفوانيس في الشارع
ونشغل كل اغاني رمضان
ياحلاوة رمضان فوانيس وزينه كمان
والبيت كله فرحان بدخوله علينا
ياحلاوة رمضان فوانيس وزينه كمان
والبيت كله فرحان بدخوله علينا
ليست هناك تعليقات:
إرسال تعليق