انا روحت لبابا وقلت ل بابا اديني فلوس للعيد
مديتلو اديا اداني عديا 200 وعايزها تزيد
عديت علي خالي وخالتو وعمي ف اول يوم العيد
عيدت عليهم بعديها كدة بقي عندي في جيبي رصيد
في العيد انا فرحان وسعيد
في العيد طقم وكوتش جديد
في العيد بقي لعب تنطيط
في العيد كل فلوسي بتزيد
العيد جانا ولعو صواريخ
روحنا لتيتا وكلنا فسيخ
رنجه عليها لمونه معصورة
لقطناها صورة كدة للتاريخ
جدو جايب كحك وبتي فور
وغريبة مع برفترول
كلنا لعبنا وضحك ضحكنا
جدو حاسب للقهوة تفور
العيد ياجماعه احلي مع اللمه واحلي مع الاحباب
اهالينا وجيرانا في قلب الحته ومع كل الاصحاب
ضحك وفرفشه من بعد العشا للفجر قصاد الباب
القاعدة دي كلو بيستناها وعنها محدش غاب
هاتلنا كحك وصب الشاي
هات ترمس مع حمص شام
زبط بقي دنيتنا يارايق
من غير بقي امتي ولا ازاي
رن علي محمد وهشام
قولي لمهند اوعي تنام
احنا هنسهر للصبحية
هضحك ضحك لسنه قدام
عايز ندلع ياولاد
والعيد دة نقضيها خروجات
خدنا اجازة خلاص ولهذا
هنقضيها سينما وكافيهات
هنخش حديقة الحيوان
وحاجات حلوة اشكال والوان
يالا في ثانية نلف الدنيا
وناخد سليفي في كل مكان
ليست هناك تعليقات:
إرسال تعليق