ياقلب القلب من جوه
ياحُب في منتهى القوة
ياسنيني وأيامي الحلوة
بحياتي ليك انا مديونة
بنظره الحب جنني
حبيبي ازاي بتسحرني
عشاني بس فهمني
دي روحي بيك أنا مرهونة
مستغرب.. طب خد اقولك حاجه أغرب
لما بشوفك بتكهرب
و الحُب بيملى عنيا
وبفرفش .. دنيتي جمبك بتنعنش
لا بشغل بالي ولا بقفش
ومزاجي بيكون مية المية
وجودك قوتي ف ضعفي
وقربك مني بيدفي
ومهما هقول ولا يكفي
ساحرني بيك أنا مفتونة
يا عمري وفرحه بالدنيا
حبيبي انت حاجه تانية
ولا اقدر ابعد ولا ثانية
دي حاجه أكيد ومضمونة
ليست هناك تعليقات:
إرسال تعليق