لو وحشتك ( حجة الغايب )
لو وحشتك ابقي سلّم
ده اللي بينّا مش قُليل
ده احنا بينّا انا وانت عُمر
وذكريات وحاجات كتير
سِبت فيا وجع معلّم
كل لما الليل يليّل
بفتكر يوم الوداع
وادعي مايكونش الأخير
لو وحشتك يوم تعالي
حتي طمني ب رسالة
عمري م انساك استحالة
مهما بتعدّي السنين
لسه ع اللي مابينّا باقي
أصل زيك فين هلاقي
لا مافيش زيك نهائي
قولي بعدك اعيش ل مين
بعدك انت انا شخص تاني
كله لاحظ التحوّل
شخص مستسلم ويائس
شخص تايه ف الحياه
لسه مستني ف مكاني
والغياب لو مهما طَوّل
قلبي قالي ان انت راجع
حجة الغايب معاه
ليست هناك تعليقات:
إرسال تعليق