كان عندي أحلام
أولهم صير متلك
أول قدوة بحياتي حتى صرت نسخة منك
صحيت
ضايع تايه مشتت !
قضيت حياتي كلها بفني عمري حتى فرحك
كان .. حضنك آويني
روحك كانت تحميني
تقطع اللقمة من تمك لما ميل تركيني
ياما تعبت وسهرت يابا تعلمني السعي
بكل مكان مشيته يابي انت اللي كنت معي
و الدنيا كل ماكانت تصعب
انت اللي كنت تقول
خلي قلبك ل اللّه يا ابني لانك ابن أصول
اوعا توقع
خلي كلماتي الك
أي نجاح مالو قيمة لو أهلك مو معك
يابو حضن دافي
ماشبعت منك بعد
يابو قلب صافي
مابتشبهك هالأرض
ولضل اقدر نام
بس تعا بالأحلام
قالو يلي خلف ما مات
و انهدت كتافي
يابي انت السند .. انت الصاحب العتيق
انت الشمس والقمر
انت البوصلة والطريق
انت الغيم والمطر
انت الفرج لما تضيق
انت الأرض والبشر
اللّه خلق كلشي فيك
ضل قدامك طفل صغير
ووقف احترام لهيبتك
قلك بهالدنيا مافي شي بيسوى شعرة من شيبتك
لاقي الراحة بين ايديك
يلي ياما شالت تعب
متل ماسندتني مبارح كون الك السند
بس بلحظة
اسودت بوجهي الارض
صرت بإيدي اضرب قلبو بركي بيرجع النبض
قوم حاكيني !
عطيني ايدك هات
اوعا حدا يقولي مات ..
سنيني بتنكسر بدونك من صوتك لا تحرمها
يابي قوم وضويلي حياتي او عا تعتمها يابي عم تسمعني ؟
كيف بدي عيش بالأرض و انت روحك بالسما ؟
يابو حضن دافي
ماشبعت منك بعد
يابو قلب صافي
ما بتشبهك هالأرض
ولضل اقدر نام
بس تعا بالأحلام
قالو يلي خلف ما مات
وانهدت كتافي
روحك رح تبقى ملاكي الحارس والقديس
بعرف ما بتحب تضل لحالك .. بدك ونيس
كلن راحو يابا .. و انا ضليت معك
ياريت ترابك بيحكي كل العمر رح اسمعك
لما .. التراب عليك ردو
ضاقت انفاسي اختنقت .. ودموعي ماعد هدوا
يابي علمتني كلشي الا كيف بكون بلاك قلتلهم لحتى عيش روحو و ادفنوني جنبه
لو فيي ارجع بالزمن لا قدر اشبع منك
بتوجعني الروح ال بصدري كل مايخطر لي انك
فنيت عمرك .. لحتى نكبر نحنا
كان بدي تشوف ولادي مو انا احكيلهم عنك
لساتو براسي صوتك .. وكلماتك بكتابي
ولساتني ماعم صدق
مين الناس يلي على بابي ؟
وليش الكل لابس اسود ؟
ليش جايين صحابي ؟
وبمين عم بيواسوني ؟
ليش مانك راجع يابي ؟
يابو حضن دافي
ماشبعت منك بعد
يابو قلب صافي
ما بتشبهك هالأرض
ولضل اقدر نام
بس تعا بالأحلام
قالو يلي خلف ما مات
وانهدت كتافي
ليست هناك تعليقات:
إرسال تعليق