حياتي فيلم رعب مشاهده ممتعه
مثلوا عليا الحب. ولبسوا الاقنعه
عشرت ناس كتير. في الكدب مقنعه
ولسه يامه هشوف. احسايس متصنعه
*****
جايين بتمثلوا الدور علي المخرجه
انا عمري ماشفت بجد ناس اندال كده
بتحطوا ليه نفسيكوا في مواقف محرجه
علي الغدر وعلي الخيانه بقيت متعوده
عمري إللي عدا مني
مهو ش قد اللي ضاع
مسروقه حياتي مني
ودخاله في ميه صراع
وخلاص فات الاون
مليش بنكم مكان .
كلمه اهل وحبيب
والله دي كات زمان
من اللي شفته معاكوا بقيت متحطمه
وخلاص في الناس بطلت اكون متعشمه
من الغل ومن السود دي قلوب مفحمه
عاملين قال بيحبوني دول كارهني عما
********
ابواب الحب قفله
ومش لاقيه المفاتيح
والناس وشوش في حفله
كل اللي فيها جريح
ملقش حد يصون
الكل بقي بيخون
احنا في زمن يا عالم
محدش بقي مضمون
ليست هناك تعليقات:
إرسال تعليق