أنا نمت صحيت لاقيت العمر عدا هوا
ده امبارح كنا ف الشارع و بنلعب سوا
انا فوقت لاقتني بقيت حاجه وعشرين
والمفروض اعمل مليون حاجه قبل ال ٣٠
أنا نمت صحيت لاقيت العمر عدا هوا
أنا فوقت لاقتني بقيت حاجه وعشرين
وحشوني صحابي وقعدتنا ل ٢ بليل
وأيام ليها طعم وغنوه علي ودني تميل
بتقول امتي الزمان يسمح ي جميل
وبفوق علي اني ورايا شغل يهد الحيل
أنا نمت صحيت لاقيت العمر عدا هوا
أنا فوقت لاقتني بقيت حاجه وعشرين
عشريناتي
أنا الحلم اللي لم يكتمل
انا الجيل اللي مات في الأمل
أنا عن حاجه صعب اتسال
جيت لاقتني ف مطحنة
عشريناتي
أنا ف عيونكم لسه شباب
لكن من همي القلب شاب
من اللي شافه من العذاب
وبقوم وأكمل أهو أنا
عشريناتي
اه زمانا غير زمانكم
لا انتو مكانا ولا احنا مكانكم
كل اللي بنطلبه منكم
متجيبوش اللوم علينا
عشريناتي
أنا رغم التعب بقوم
أملي ف بكره كل يوم
اكيد الحزن مش هيدوم
بعد العسر يسر وربنا
أنا نمت صحيت لاقيت العمر عدا هوا
أنا فوقت لاقتني بقيت حاجه وعشرين
ليست هناك تعليقات:
إرسال تعليق