Tamim | Ento Almajed
انتو المجد الما بيموت
يا شعلة وضوّت لبنان
يا دقة قلب بيروت
يا فن بكل الألوان
الصافي جبل من جبالو
فيروزو زهرة تشرين
والشحرورة موالو
وروحو نصري شمس الدين
منصور وعاصي وزياد
والياس الرحباني كبار
فرحتنا من كنا ولاد
هني اللحن والأوتار
وهبي وجوزيف وذكي
قدرو يخلّو الصخر يلين
وبدّك مليون سنة
تا تعرف ملحم مين
سميرة صوتا من نار
وحطو عالجرح بيطيب
وما اغلى صوتك عزار
وأغاني سلوى القطريب
رح يبقى شامخ وليد
وتوفيق الرب رفيقو
وآل البندلي اكيد
عا صوتن نامو وفيقو
جان هند وابراهيم
عليا وما مننسى ليليان
شوشو وفرقة بو سليم
البسمة عا شفافك لبنان
بو ملحم والدنيي هيك
عليهن نحنَ ربينا
سامي صوتك وعينيك
وعّو الطفولة فينا
الأرض اللي عشقت جبران
وعبد المجيد مجذوب
خبّت بعيونا كمان
تابت والرائع شلهوب
للحلا هنّي عنوان
خالد وجورج حرّان
ما اروع نعمة النقيب
والغالي أسعد رشدان
أُمَرا الكلمة بِ لبنان
الأسطورة طليع حمدان
موسى زغيب وزين شعيب
وزغلول الغالي كمان
يرحم روحك يا كرباج
والغالي فادي براهيم
كلن نخبة بالتمثيل
ووجهة لبنان العظيم
ليست هناك تعليقات:
إرسال تعليق