تحميل اغنية جوزيني ياما - الحاجه نبيله وهيثم ابو السعود MP3
الأم :
بطل يا واد حَبًَه بجاحه
وتعالى اجيبلك فلاحه
هتشيل جميلك فوق راسها
وتريًَحك احسن راحه
الإبن:
انا نفسي أدوق المنجايه
واجيب غزاله وقمراية
د البت يا امه بتغمزلي
وتقول ياواد اجري ورايا
الأم :
اهدي يا واد واسمع مني
وبلاش كلام هيجنني
وتعالى أجيب لك فلاحة
تشيل عيالك ف النني
الابن :
انا نفسي ادوق الشيكولاته
واخطب عروسه زر بطاطه
د البت حلوها وخطوتها
بتقول تعالى يا ابن اطاطا
الأم :
سيبك ياواد م اللي ف بالك
وياريت تفضها بقى سيرة
وتعالى اجيب لك فلاحة
تعيش معاك ... لو بحصيرة
الابن :
والنبي يا امه تهوديني
وتقولي طلبك من عيني
دانا نفسي اشوف البيكيني
واعيش معاه احلى سنيني
الأم :
اسكت يا واد دانت الحيله
وبلاش تسوق ف التكشيرة
وتعالى اجيبلك فلاحة
عيونها خضرة ... وجميلة
الابن :
انا نفسي ياامه اعمل بيه
وعروستي تبقى مارونج لاسيه
وتقولي هات لي خاتم سوليتيه
وتغمي يا امه لقلبي عينيه
الأم :
اسمع يا واد مني نصيحة
وانت عارفني اني صريحة
لو روحنا بيت اللي ف بالك
هتبقى ...جرسة.. و فضيحة
الابن:
دي البت يا امه دي شغلاني
وخدودها حمرة وحياني
وكل ما ألمس ايدها تقول
آلمس برحتك من تاني
الأم :
بطل يا واد شغل السيما
واختار عروسة تكون قيمه
من بيت أصيل متربية
أخلاقها حلوة ....وحليمه
الابن:
انا نفسي ادوق البسبوسه
واختارلي م الدنيا عروسة
تلبس ملزق ومحزق
وأديلها ميت ملون بوسه
الأم :
انت يا واد لسه صًغير
ونبض قلبك متحير
فياريت يا واد تشتري مني
وتشوف جمال الفلاحة
الابن:
انا نفسي ادوق طعم التفاح
واختار عروسه من السياح
تقولي يا امه أي لف يوووو
وألف بيها الكون سواح
الأم :
اعقل ياواد وارسى يا مجنون
وبلاش كلام الفيس والفون
وتعالى اجيب لك فلاحة
من بيت اصيل حلو ومضمون
الابن :
الرأي رأيك يا أصيلة
لازم أناسب من عيلة
والبت يا امه الفلاحة
هتشيل معانا نفس الشيلة
الأم :
مين غيرها تكنس لنا دارنا
وتفت فته ف انجرنا
مين غير حبيبتي الفلاحة
هتكون يا واد شمس نهارنا
الابن :
الراي رأيك يا نبيله
يا ام العيون حلوه جميلة
والله ما تعدي الليله
الا ما اجيب الفلاحة
الأم :
مين غيرها هيربي حمامنا
ويعينا يا ابني على ايامنا
مين غير حبيبتي الفلاحة
هنأمنه يوم ....على اسرارنا
الابن :
الرأي رأيك يا قمرنا
يا نور شارعنا ودوارنا
والله لنكيد عوزالنا
ونروح لبيت الفلاحة
ليست هناك تعليقات:
إرسال تعليق