كل اللي فات هعتبره مات و الجاي مالكوش فيه
اصل اللي خانوا العشره دول هزعل عليهم ليه
عن نفسي هبعد نفسي عنكم و اللي فات هرميه
اصل اللي راح بمزاجه عمري ف يوم ما هبكي عليه
•
ملعونها دي طيابه
مع خلق كدابه
أنا كنت بآمنهم
بس اتأذيت يابا
ملعونها دي بدايه
كنت علي عمايا
اتاريني بتغفل
و اتكاتروا ف اذايا
•
يالي انت عايز تمشي امشي و رد بابنا وراك
و امانه لو قابلك صحاب خدلك شويه معاك
أنا من النهارده هعيش لنفسي و ليكوا مش هحتاج
شوفلك علاج يالي انت فاكر اني هستناك
•
أنا قلبي كان غيه
لناس باعت فيا
ضحيت ياما عشانهم
بس اتلعب بيا
جدعنتي خليتها
و مشاعري قسيتها
آدي اللي سكتت ياما
هتشوفوا قلبتها
ليست هناك تعليقات:
إرسال تعليق