في قُربك كل حاجة بتبقي في عيني حلوة
وجودك جنب مني بيدّي قلبي قوة
بحب اسمع كلامك بحس إنه غنوة
في قربك كل حاجه حلوة
بقيت بحب شكلي وانتي باصه ليا
معاكي همومي بقيت بشوفها حاجات عادية
بحس ان انتي شبهي وطباعنا هي هي
في قربك كل حاجه حلوة
بشوف أحلامي فيكي
وبتزيد قيمتي بيكي
ها عيش العمر ليكي
يا ريت أصلاً يكفي
وغيرك ليا مين
يا تعويض عن سنين
وأيام مُتعبين
ما جوش ولا يوم في صفي
داعيت طول عمري اقابلك ربنا استجابلي
بعيش إحساس معاكي ماحدش عاشه قبلي
ده عمر جديد ياعمري وانا معاكي اتكتبلي
في قربك كل حاجه حلوة
يادوب حبك نداني لقيت الفرحة جاية
هاحتاج ايه بس تاني وانتي قصاد عينيا
واخاف من ايه يا روحي وانا مأمنك عليا
في قربك كل حاجه حلوة
بشوف أحلامي فيكي
وبعرف قيمتي بيكي
ها عيش العمر ليكي
يا ريت أصلاً يكفي
وغيرك ليا مين
يا تعويض عن سنين
وأيام مُتعبين
ما جوش ولا يوم في صفي
ليست هناك تعليقات:
إرسال تعليق