عارفين
أنا مهلوكة نفسيا
ولازم أمثل اني بخير
لو قولت مشاكلي ايه هي
مش هيحصلها تغيير
ف بقيت بكتم جوايا
والبس وش أقابلكم بيه
ما اللي بيحصل ده معايا
صعب اني احكي لحد عليه
ياللي انتو ماسكين في السيرة
ما تخفو بقي حقد وغيره
عاملين حياتي مسلسل تحفه
حلقاته ياما وكتيرة
وبتحسدوني علي ايه يعني
ده الحظ غايب مخاصمني
وبقوله امتي هتيجي يا حظ
طنشني مع انه سامعني
أنا م اللي مني بقيت خايفة
في طريقي ماشيه ومش شايفة
مين يتأمنله أنا مش عارفه
كل الوشوش لي بقت زايفة
يا جراحي امشي وفارقيني
أنا م الدموع جفت عيني
مش لاقية حاجه تداويني
الدنيا حابه ترازيني
شايفين
اني كويسة بالي مرتاح
علشان بضحك في الصورة
مقالوش ليه مخبيه جراح
ضحكتها دايما مكسورة
خايفة اقول علي أسراري
خايفة اقول أنا مخنوقه ليه
ف بقيت بخبي وبداري
لأحسن يوم اتعاير بيه
ليست هناك تعليقات:
إرسال تعليق