يالعــزيــز اللي نويت تعــز نفســك عنّــي بعد ما عـــزّك خفـــوقي وبعـد ما عزّيتــك
إبشـر بعـزك حبيبـــي لاجــل تعــرف إنـي مثل ما لبّيـت وصـــلك في الجفـــا لبّيتـــك
يا عزيـــزي انت تامـــر قبل تطلـــب منّي كيـف لا.. وانت علــى كل البشـــر بدّيتــك
ما أردك قـــــــرب والاّ بـعــــد يا مجننـــي لو على روحــي تأشــر والله ما ردّيـتــــك
طاعتك واجـب على قلبــي وعلـــيَّ لانــي مثل ما تبغي حبيبــي في المحـــبه جيتــك
حسن ظنك في محله ولا اختلف بك ظنـي راح احقـــق أمنيــــاتـــك كثر ما تمنيتـــك
عشت انا السبع السـمان اللي معاك وكني ببدأ السبع العجاف .. وغنوتـي: (حبيتك)
المهـــم انــك حبيبـــي عايــش ومتهنـــي والاّ انا بمـــوت من بعــــدك ولا ناديـتـــك
جرحــك الغــــالي بنزفه من جفـــاك يغني منْه حنّ اطرافــــك التـــــرفه إذا لاقيتـــك
لا تقل للناس جرحي.. قل لهـــم متحنــــي قل لهـــــم اني بدمــي يالغــــلا حنــيتــــك
ليست هناك تعليقات:
إرسال تعليق