انا تعبان مش قادر أتكلم
انا معمول لي عمل متخدم
من كتر اللي انا شفته يا دنيا
انا قربت خلاص استسلمت
بيت العيلة لقيته مضلم
لحم ودم بقى بيتقسم
مقفول من الدنيا دي بحالها
انا بطلت في حد اتعشم
المفروض يكرمونى
على اللي شفته في الحياة
الدموع اللي في عيوني
كان وراها الف اه
كل يوم وجع وجع
كل يوم جراح جراح
هزعل على اللي جاي
ولا العمر اللي راح
أنا قررت خلاص كألاتى
أعمل جرد لناس في حياتي
ملعونة بجد اختياراتي
لازم اعيد من تانى حساباتى
كل ما انام واصحى يا بشرية
يطلع الف اشاعة عليا
ناس ما فيش في لسانهم غير
ليل نهار بيخبطوا فيا
كنت بتعامل بطيبة
قلبى مين فيكو اشتراه
انتوا فعلاً ناس مريضة
مش هصفالكم الله في سماء
مين معايا
مين عليا
ولا كله زي بعضه
دايرة الأندال بتوسع
واللي راح ييجي اللي
السنين سرقتني ياما
عجزتني أوام أوام
واللي خلى الدنيا ضلمة
اللي شفته من الأيام
يلا انا شبعتكم حنية
شفتوا الخير كله على ايديا
لما وقعت محدش سما
سكاكين واتلموا عليا
اكتبوا قصة حياتي
واللي شفته في دنيتي
بس قبل ما تكتبوها
امسحوا لي دمعتي
هاتوا قلبي اللي انكسر
بس يرجع لي سليم
هاتوا نسخة مني ضاعت
بس بالشكل القديم
كل ما اقول على حد الا دا
متجيش بقى يغير منه ياسادة
اعمل فيها طيب غلبان
يجرحنى ويفضل يتمادا
بطلت ادي لحد أمان
كل ما بوفي يا ناس بتخان
هوو انا لازم اتلون يعني
وريتني العجب يا زمان
مين في صفي جاي اصفى
مين عدو مين في كتفي
ما يغركوش دي لمه فاضية
هم صحبة وقت سيلفي
لا ما تعملوش حبايب
مكرين زي التعالب
اللي جاي يحضرني فيكم
يبقى فيه لدعة عقارب
ليست هناك تعليقات:
إرسال تعليق