وجودك حيل أثّر بي
ووداني لعالم غير
رسم بعيوني الفرحة
وغير كل خطواتي
بديت اشعر بأني حي
تغير فيني التغيير
كأني افـ ديرةٍ ظَلمَه
و اْشْعلت انفعالاتي
مشيت وعيني ابكفّك
ابي كفّك في كفّي ايصير
ابي لمسه من حظوظك
عشان اقرى احتمالاتي
وشوفك في السما نجمٍ
لأني في سماك اطير
يأول من عطاني اجْناح
عدّى كل خيالاتي
تصدق اني لا شفتك
حمل مني يطيح اكبير
وأسلم عالمي عيونك
وتكبر كل حكاياتي
انا ويني يا اجمل حب
عجزت افهم ابي تفسير
عيونك ليه ودتني
بعيد هناك في ذاتي
ابي باكر وابي الحاضر
أبيك آنته .. يوقت الخير
واذا اشرق علي بوحك
ابيك ترتب اسكاتي
ياليت الوقت يرجع بي
وأغيّر واقعي ونطير
في دنيا غير هالدنيا
معاك ارسم بداياتي
ليست هناك تعليقات:
إرسال تعليق